Poplappie

Poplappie heeltyd perfek moet wees

gesiggie geverf en maskertjie aan

sal mense my dan ooit kan verstaan

dat ek ook droom om net mooi te kan wees.

 

Haartjies netjies gekap

Naeltjies fyn en sag

Soos buite mens dan van my verwag!

Kan ek maar huil of moet ek heeltyd lag?

Maerword mooiword vroueprag…..net EK wil wees elke dag!

 

Barbie gemaak van plastiek is sy,

God uniek geskape, ‘n prinses is jy!

Opgelig, vreugdes vlug

op verhogie geplaas dat jy niks moet mis

sodat Hy kan spog met jou net soos jy is.

 

Sy Hand gewerk en hard geweef

So uniek gemaak aan God gewyd.

Weet net jy o natuurlik so mooi,

omgee, spesiaal, vriendelike glimlag getooi.

 

Poplappie jy is perfek geskape

met Sy Seën jou toekoms geskal,

versier met vreugde, vrede en rus

in die wete dat ek is wie ek is!

 

Sue Gouws